k-speandak.com.kh

 តាកែវ ៖ ក្នុងជំនួបជាមួយប្រតិភូក្រុមហ៊ុនកូរ៉េ នៅសាលាខេត្តតាកែវ នារសៀលថ្ងៃទី ៧ ខែ តុលា ឆ្នាំ២០២៤នេះ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានធ្វើការគាំទ្រយ៉ាងពេញទំហឹង ចំពោះគម្រោងបង្កើតរោងចក្រកែច្នៃសំរាម នៅក្នុងខេត្តតាកែវ។ ឯកឧត្តម អភិបាលខេត្ត បានលើកឡើងថា ខេត្តតាកែវពីមួយឆ្នាំទៅមួយឆ្នាំកាន់តែមានការអភិវឌ្ឍរីកចម្រើនលើគ្រប់វិស័យ ដែលការរីកចម្រើននេះនាំឲ្យបងប្អូនប្រជាពលរដ្ឋប្រើប្រាស់សម្ភារទំនើបៗ ជាពិសេស ការប្រើប្រាស់របស់របរ ប្រចាំថ្ងៃបានងាកមកពីការប្រើប្រាស់ការវេចខ្ចប់ដោយស្លឹកចេក ឬស្លឹកឈូកមកជាការប្រើប្រាស់ថង់ប្លាស្ទិចជំនួសវិញ ដែលថង់ប្លាស្ទិកនេះផ្ដល់ផលប៉ះពាល់យ៉ាងខ្លាំងដល់បរិស្ថាន ដូច្នេះការមកបង្កើតក្រុមហ៊ុនកែច្នៃសំរាម ជាពិសេសការកែច្នៃថង់ប្លាស្ទិចនៅក្នុងខេត្តតាកែវដែលមួយថ្ងៃៗ មានសំរាមប្រមាណ ១០០តោន វានឹងផ្ដល់ផលប្រយោជន៍ និងជួយដល់បរិស្ថានជាច្រើននៅក្នុងខេត្ត។ ឯកឧត្តម អភិបាលខេត្ត បានថ្លៃងបន្តថា ការបង្កើតរោងចក្រកែច្នៃសំរាមក្រៅតែពីបានជួយដល់បរិស្ថាន វាក៍នឹងជួយបង្កើតការងារកាន់តែច្រើនថែមទៀតដល់បងប្អូនប្រជាពលរដ្ឋនៅក្នុងខេត្ត កាត់បន្ថយការធ្វើចំណាកស្រុក និងលើកស្ទួយសេដ្ឋកិច្ច គ្រូសាររបស់បងប្អូនប្រជាពលរដ្ឋយើងកាន់តែប្រសើរឡើង ដូច្នោះអាជ្ញាធខេត្តនឹងជួយសម្របសម្រួលនិតិវិធីគ្រប់បែបយ៉ាង ដល់អ្នកវិនិយោគទុនដែលចូលមកវិនិយោគបង្កើតរោងចក្រកែច្នៃសំរាម ដោយស្របច្បាប់នៅក្នុងខេត្តតាកែវ។ គួរបញ្ជាក់ថា បើយោងតាមក្រុមហ៊ុនកូរ៉េ ដែលមានបំណងចង់មកវិនិយោគបង្កើតរោងចក្រកែច្នៃសំរាមក្នុងខេត្តតាកែវ ក្រុមហ៊ុនមានបទពិសោធន៍នៅក្នុងប្រទេសកូរ៉េជាង២០ឆ្នាំ និងបានចូលមកវិនិយោគលើការច្នៃសំរាមនៅក្នុង ប្រទេសកម្ពុជា អស់រយៈពេល១០ ឆ្នាំមកហើយលើការកែច្នៃសំរាម ជាពិសេសកែច្នៃថង់ប្លាសស្ទេចឲ្យទៅជាប្រេង និងរបស់របប្រើប្រាស់ ដោយក្នុងនោះក្រុមហ៊ុនមានម៉ាស៊ីន…

នាព្រឹកថ្ងៃសៅរ៍ ទី៥ ខែតុលា ឆ្នាំ២០២៤ ឯកឧត្តម វ៉ី សំណាង អភិបាលខេត្តតាកែវ បានអញ្ជើញទទួលហិបវិញ្ញាសារប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំសិក្សា ២០៣-២០២៤ ពីខាងតំណាង ក្រសួងអប់រំ យុវជន និងកីឡា និងតំណាងអង្គភាពប្រឆាំងអំពើពុករលួយ (ACU) យកមករក្សាទុក ដើម្បីត្រៀមទុកសម្រាប់សម័យប្រឡង ថ្ងៃទី ៨-៩ ខែតុលា ឆ្នាំ២០២៤ ខាងមុខនេះ។ សូមជម្រាបជូនដែរថា នៅខេត្តតាកែវ មានមណ្ឌលប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ៨ តុលា ២០២៤ មានមណ្ឌលចំនួន ១៧ ស្មើនឹង ៣៧៧បន្ទប់ ថយ ២២បន្ទប់ មានបេក្ខជនសរុប ៩៣៤២នាក់ ស្រី ៤៩៦៧នាក់ ថយសរុប ៦៥៧នាក់ ស្រី ១៩២នាក់។ ដោយនៅក្នុងនោះដែរ ថ្នាក់វិទ្យាសាស្រ្ត មាន ៥មណ្ឌល ស្មើនឹង ១០០បន្ទប់ មានបេក្ខជនសរុប ២៤៣៩នាក់ ស្រី…

លោក ចាន់ តារា អភិបាលនៃគណៈអភិបាលក្រុងអរិយក្សត្រ រួមជាមួយលោក អ៊ុំ ចន ប្រធានក្រុមប្រឹក្សាក្រុង បានអញ្ជេីញជាអធិបតីភាពក្នុង ពិធីជួបសំណេះសំណាល ជាមួយលោក-លោកស្រីសមាជិកក្រុមប្រឹក្សាក្រុង នាយក-នាយករងរដ្ឋបាលក្រុង,ប្រធាន-អនុប្រធាន មន្រ្តីរាជការ និងមន្រ្តីកិច្ចសន្យា នៃរដ្ឋបាលក្រុងអរិយក្សត្រ ខេត្តកណ្តាល ក្នុងឱកាសអបអរពិធីបុណ្យភ្ជុំបិណ្ឌ ប្រពៃណីជាតិ នាពេលខាងមុខនេះ ។ លោក ចាន់ តារា អភិបាលក្រុងអរិយក្សត្រ បានថ្លែងអំណរគុណចំពោះថ្នាក់ដឹកនាំ មន្រ្តីរាជការ កងកម្លាំងការពារ ទាំងអស់ ដែលបានខិតខំប្រឹងប្រែងបំពេញការងារទទួលបានជោគជ័យរយៈពេលកន្លងមក និងសូមផ្តាំផ្ញេីរដល់មន្រ្តីរាជការ ត្រូវចេះសហការសាមគ្គីគ្នា ឯកភាពផ្ទៃក្នុង ផ្តល់សេវាសាធារណៈ ប្រកបដោយគុណភាព ប្រសិទ្ធភាព ឆ្លើយតបទាន់ពេលវេលា ទៅនឹងតម្រូវការរបស់ប្រជាពលរដ្ឋ ។ ក្នុងឱកាសបុណ្យភ្ជុំបិណ្ឌខាងមុខនេះ លោកអភិបាលក្រុង បាននាំយកសម្ភារៈឧប្តត្ថម្ភ និងថវិកាមួយចំនួន ចែកជូនដល់មន្រ្តីរាជការ ដើមី្បចូលរួមរីករាយ អបអរក្នុងពិធីទាំងនោះផងដែរ ។ ថ្ងៃទី៣០ ខែកញ្ញា ឆ្នាំ២០២៣  #ក្រុងអរិយក្សត្រ #ខេត្តកណ្តាល  #Akreiy-Ksatr #Kandal_Province ខ្មែរម្ចាស់ស្រុក

កិច្ចប្រជុំប្រកាសផ្សព្វផ្សាយផែនការយុទ្ធសាស្ត្រ ស្តីពី ការអនុវត្តគោលនយោបាយ ” ភូមិ-ឃុំ- សង្កាត់ មានសុវត្ថិភាព”  ថ្ងៃពុធ ៨ រោច ខែភទ្របទ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី ២៥ ខែកញ្ញា ឆ្នាំ២០២៤ នៅសាលប្រជុំក្រសួងមហាផ្ទៃ ឯកឧត្តម វ៉ី សំណាង អភិបាល នៃគណ:អភិបាលខេត្តតាកែវ បានអញ្ជើញចូលរួមកិច្ចប្រជុំប្រកាសផ្សព្វផ្សាយផែនការយុទ្ធសាស្ត្រ ស្តីពីការអនុវត្តគោលនយោបាយ ភូមិ-ឃុំ-សង្កាត់ មានសុវត្ថិភាពរបស់ក្រសួងមហាផ្ទៃ ក្រោមអធិបតីភាពដ៏ខ្ពង់ខ្ពស់របស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។ ខ្មែរម្ចាស់ស្រុក

សម្ដេចតេជោ ហ៊ុន សែន អញ្ជើញទទួលព្រះរាជដំណើរ ព្រះមហាក្សត្រ និងសម្ដេចម៉ែ យាងនិវត្តពីទីក្រុងប៉េកាំងសាធារណរដ្ឋប្រជាមានិតចិន  នៅរសៀលថ្ងៃចន្ទ ៦រោច ខែភទ្របទ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី២៣ ខែកញ្ញា ឆ្នាំ២០២៤ សម្ដេចអគ្គមហាសេនាបតីតេជោ ហ៊ុន សែន  ប្រធានព្រឹទ្ធសភា នៃព្រះរាជាណាចក្រកម្ពុជា បានអញ្ជើញទទួលព្រះរាជដំណើរ ព្រះករុណាព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរជាទីសក្ការៈដ៏ខ្ពង់ខ្ពស់បំផុត ស្តេចយាង ធ្វើមាតុភូមិនិវត្តន៍ពីទីក្រុងប៉េកាំង សាធារណៈរដ្ឋប្រជាមានិតចិន បន្ទាប់ពីបានយាងទៅពិនិត្យព្រះរាជសុខភាព កាលពីថ្ងៃទី២៦ ខែសីហា ឆ្នាំ២០២៤ កន្លងទៅនេះ។  សូមក្រាបបង្គំថ្វាយព្រះអង្គទ្រង់ប្រកបដោយព្រះពលានុភាពខ្លាំងក្លា ព្រះបញ្ញាញាណវាងវៃ ព្រះរាជសុខភាពល្អបរិបូណ៌ ព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ជាម្លប់ដ៏ត្រជាក់ត្រជុំ ដល់ប្រជានុរាស្ត្រគ្រប់រូប រស់នៅក្នុងសុខសន្តិភាព តរៀងទៅ៕

(កំពង់ស្ពឺ) នៅព្រឹកថ្ងៃច័ន្ទ ៦រោច ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៣ ខែកញ្ញា ឆ្នាំ២០២៤ វេលាម៉ោង ៩:៣០នាទីព្រឹក ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញកាន់បិណ្ឌវេនទី៦ វត្តកល្បព្រឹក (ហៅវត្តជង្រុក) ស្ថិតនៅក្នុងឃុំជង្រុក ស្រុកគងពិសី ខេត្តកំពង់ស្ពឺ ដើម្បីឧទ្ទិសកុសល ផលបុណ្យជូនដល់បុព្វកាលរីជន មានមាតា បីតា ញាតិការទាំង៧សន្តាន ដែលបានចែកឋានទៅកាន់លោកខាងមុខ។ ក្នុងពិធីសូត្រមន្តកាន់បិណ្ឌវេនទី៦នេះ ក៏មានការអញ្ជើញចូលរួមពី ថ្នាក់ដឹកនាំខេត្ត មន្ទីរ-អង្គភាព កងកម្លាំងទាំង៣ មន្ត្រីរាជការ ប្រជាពុទ្ធបរិសទ្ធ័ទីជិតទីឆ្ងាយយ៉ាងច្រើនកុះករ ប្រកបដោយសទ្ធាជ្រះថ្លា និងបរិសុទ្ធក្នុងព្រះពុទ្ធសាសនា។ ខ្មែរម្ចាស់ស្រុក

 (តាកែវ) នៅព្រឹកថ្ងៃសុក្រ ៣រោច ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២០ ខែកញ្ញា ឆ្នាំ២០២៤ វេលាម៉ោង ៨:០០នាទីព្រឹក នៅសាលប្រជុំធំសាលាខេត្ត ឯកឧត្តម វ៉ី សំណាង អភិបាល នៃគណៈអភិបាលខេត្ត អញ្ជើញជាអធិបតីភាព ក្នុងកិច្ចប្រជុំគណៈបញ្ជាការឯកភាពរដ្ឋបាលខេត្ត មានការចូលរួមពីសំណាក់ គណៈអភិបាលខេត្ត នាយក-នាយករងរដ្ឋបាល នាយកទីចាត់ការ កងកម្លាំងទាំង៣ មន្ទីរ-អង្គភាព ប្រធានច្រកអន្តរជាតិ-ទ្វេរភាគី-តំបន់ អភិបាលក្រុង-ស្រុក អធិការក្រុង-ស្រុក មេបញ្ជាការកងរាជអាវុធហត្ថក្រុង-ស្រុក ។ ពិភាក្សាលើរបៀបវិរៈដូចខាងក្រោម: ១. ការត្រៀមបង្ការគ្រោះមហន្តរាយទឹកជំនន់ (រាយការណ៍ពីស្ថានភាពទឹកភ្លៀង ដោយលោក ប៊ុន ហួ ប្រធានមន្ទីរធនធានទឹក និងឧតុនិយមខេត្ត និងគ្រប់បណ្តាក្រុង ស្រុក ២. ការពង្រឹងសណ្តាប់ធ្នាប់សាធារណៈ -ជំរុញការផ្សព្វផ្សាយច្បាប់ចរាចរណ៍នៅតាមសាលារៀន -តំបន់ទីប្រជុំជន -ការត្រៀមបង្ការអគ្គិភ័យ -ការពង្រឹងបង្រ្កាបល្បែងស៊ីសងខុសច្បាប់ -ការពង្រឹងការគ្រប់គ្រងជនអន្តោប្រវេសន៍ -ការពង្រឹងការបង្ក្រាបបទល្មើសផ្សេងៗ ៣. ការពង្រឹងអនាម័យបរិស្ថាន តាមទីសាធារណៈ និងទីប្រជុំជន ៤….