Saturday, November 21, 2026
Friday, November 20, 2026
បណ្ណកម្មសិទ្ធិចំនួន ១ ២៨៤ បណ្ណ ជាបណ្ណកម្មសិទ្ធិដីលំនៅឋាន និងដីកសិកម្ម ត្រូវបានប្រគល់ជូនប្រជាពលរដ្ឋ៦៤២ គ្រួសារ តាមរយៈគម្រោងសម្បទានដីសង្គមកិច្ច ដំណាក់កាលទី២ ...
នាថ្ងៃទី១៩ ខែវិច្ឆិកា ឆ្នាំ២០២៦
ឯកឧត្តម សូ ខនឫទ្ធីគុណ រដ្ឋលេខាធិការ និងជាប្រធានគណៈកម្មការដឹកនាំគម្រោង LASED III បានអញ្ជើញជាអធិបតីក្នុងពិធីប្រគល់បណ្ណកម្មសិទ្ធិដីធ្លីជូនប្រជាពលរដ្ឋចំនួន ៦៤២ គ្រួសារ នៅទីតាំងដីសម្បទានសង្គមកិច្ច ឃុំដូង ស្រុកប្រាសាទបល្ល័ង្ក ខេត្តកំពង់ធំ។
សូមគូសបញ្ជាក់ថា បងប្អូនទាំង ៦៤២ គ្រួសារនេះ បានទទួលដីសម្បទានសង្គមកិច្ចតាមរយៈគម្រោង LASED II និងបានចូលតាំងលំនៅ នៅលើទីតាំងនេះចាប់តាំងពី ខែកុម្ភៈ ឆ្នាំ២០២០ មក។
#កមមសិទ្ធិដីធ្លី#ដសម្បទានសង្គមកិច្ច#ប័ណ្ណកម្មសិទ្ធិដី#ការប្រើប្រាស់ដី#បលង់គោលប្រើប្រាស់ដី#បលង់គោល #កអក #ក្រសួងរៀបចំដែនដីនគរូបនីយកម្មនិងសំណង់ (https://www.tiktok.com/@mlmupc_kh) #MLMUPC (https://www.tiktok.com/@mlmupc_kh)
ប្រគល់បណ្ណកម្មសិទ្ធិដីធ្លីចំនួន ៣ ៧៥៦បណ្ណ ជូនប្រជាពលរដ្ឋក្នុងឃុំបុសលាវ ស្រុកចិត្របុរីខេត្តក្រចេះ...
នាថ្ងៃទី១៩ ខែវិច្ឆិកា ឆ្នាំ២០២៦
មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តក្រចេះ បានរៀបចំពិធីប្រគល់វិញ្ញាបនបត្រសម្គាល់ម្ចាស់អចលនវត្ថុ សរុបចំនួន ៣ ៧៥៦បណ្ណ ជូនដល់ប្រជាពលរដ្ឋចំនួន ៥ភូមិ រួមមាន ភូមិពោធិ៍ ភូមិព្រែកកូវ ភូមិព្រែកតាអាំ ភូមិព្រះគន្លង និងភូមិល្វាទង ក្នុងឃុំបុសលាវ ស្រុកចិត្របុរី ខេត្តក្រចេះ។
ពិធីនេះប្រព្រឹត្តទៅក្រោមអធិបតីភាព លោក ហេង សុថា អភិបាលរងខេត្ត តំណាង ឯកឧត្តម វ៉ា ថន អភិបាលនៃគណៈអភិបាលខេត្តក្រចេះ ដោយមានការអញ្ជើញចូលរួមពី លោក អ៊ូ សុបុណ្ណកា ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តក្រចេះ អាជ្ញាធរពាក់ព័ន្ធ ព្រមទាំងបងប្អូនប្រជាពលរដ្ឋ។
#ការបង្កើតនូវបរិយាកាសគ្មានវិវាទ #ចះបញ្ជីដីបង្ហើយ #បញចបវិវាទដីធ្លី #សេវាគាប់ចិត្ត #រមណយដឋានបេតិកភណ្ឌពិភពលោកអង្គរ #បងទនលេសាប #ដោះស្រាយវិវាទបុរី #កអក
#ក្រសួងរៀបចំដែនដីនគរូបនីយកម្មនិងសំណង់ (https://www.tiktok.com/@mlmupc_kh)
#MLMUPC (https://www.tiktok.com/@mlmupc_kh)
ដំណើរវិលត្រឡប់មកកាន់ទីកន្លែងធ្លាប់មក២០ឆ្នាំមុន ដើម្បីបន្តចែករំលែកក្តីស្រឡាញ់ និងក្តីសង្ឃឹមដល់កុមារ!
សៀមរាប៖ ថ្ងៃទី១៩ ខែវិច្ឆិកា ឆ្នាំ២០២៦នេះ លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាប បានវិលត្រឡប់ទៅកាន់ស្រុកប្រាសាទបាគង ខេត្តសៀមរាប ជាថ្មីម្តងទៀត ដើម្បីនាំយកសម្ភារៈសិក្សា និងគ្រឿងឧបភោគបរិភោគចាំបាច់មួយចំនួន ទៅចែកជូនដល់កុមារតូចៗនៅថ្នាក់មត្តេយ្យ នៃសាលាបឋមសិក្សាគោកស្រុក។ ដំណើរមនុស្សធម៌លើកនេះ មិនមែនគ្រាន់តែជាការចុះសួរសុខទុក្ខធម្មតាប៉ុណ្ណោះទេ ប៉ុន្តែគឺជាការវិលត្រឡប់ទៅរកអនុស្សាវរីយ៍ដ៏មានអត្ថន័យកាលពីជាង ២០ឆ្នាំមុន។
រំលឹកទៅកាន់អតីតកាលកាលពីជាងពីរទសវត្សរ៍មុន ខណៈពេលដែលលោក សៀ ទីន នៅជាសិស្សសិក្សានៅសាលា Manjusri Secondary School នៃប្រទេសសិង្ហបុរី លោកធ្លាប់បានធ្វើដំណើរមកកាន់ប្រទេសកម្ពុជា រួមជាមួយគណៈប្រតិភូសាលា និងមិត្តភ័ក្តិរួមជំនាន់ ដើម្បីចូលរួមធ្វើការងារសង្គម និងសកម្មភាពមនុស្សធម៌នៅសាលាបឋមសិក្សាមួយក្នុងស្រុកប្រាសាទបាគងនេះ។ ថ្វីត្បិតតែពេលវេលាបានកន្លងផុតទៅយូរឆ្នាំ រហូតធ្វើឱ្យលោកមិនអាចចងចាំឈ្មោះសាលា និងទីតាំងជាក់លាក់បានច្បាស់លាស់ក៏ដោយ ក៏ការចងចាំនៃទឹកចិត្តចែករំលែកនាគ្រានោះ នៅតែដក់ជាប់ក្នុងដួងចិត្តរបស់លោកជានិច្ច។
បន្ទាប់ពីបានមកបំពេញភារកិច្ចជាមេបញ្ជាការកងរាជអាវុធហត្ថខេត្តសៀមរាប ក្នុងឆ្នាំ២០១៤ លោកឧត្តមសេនីយ៍ត្រី សៀ ទីន បានព្យាយាមស្រាវជ្រាវ និងស្វែងរកទីតាំងសាលាដែលលោកធ្លាប់បានមកចូលរួមការងារសង្គមកាលពីអតីតកាល រហូតបានកំណត់ឃើញសាលាបឋមសិក្សាគោកស្រុកនេះ។ គ្រាដែលបានជាន់ដីទីតាំងសាលារៀនចាស់នេះម្តងទៀត អនុស្សាវរីយ៍ទាំងឡាយក៏បានផុសឡើងវិញភ្លាមៗ ជាពិសេសគឺការនឹករលឹកដល់មិត្តភ័ក្តិរួមជំនាន់សិក្សានៅប្រទេសសិង្ហបុរី ដែលធ្លាប់បានធ្វើដំណើរមកប្រទេសកម្ពុជា និងរួមសុខរួមទុក្ខធ្វើការងារមនុស្សធម៌ជាមួយគ្នានាពេលនោះ មុននឹងលោកផ្តួចផ្តើមរៀបចំកម្មវិធីចែកអំណោយដល់កុមារតូចៗក្នុងពេលនេះ។
ការផ្លាស់ប្តូរពីសិស្សម្នាក់ដែលធ្លាប់ចូលរួមការងារសង្គម មកជាថ្នាក់ដឹកនាំមួយរូបដែលនៅតែបន្តគិតគូរដល់វិស័យអប់រំ និងសុខុមាលភាពកុមារ គឺជាសក្ខីភាពបង្ហាញថា ពេលវេលាអាចផ្លាស់ប្តូរតួនាទី និងស្ថានភាពរបស់មនុស្ស ប៉ុន្តែទឹកចិត្តសប្បុរស មិត្តភាព និងស្មារតីមនុស្សធម៌ គឺជាតម្លៃដ៏បរិសុទ្ធដែលស្ថិតស្ថេរជានិច្ច។ សកម្មភាពនេះក៏ជាសារដ៏មានតម្លៃមួយដែលបញ្ជាក់ថា ការធ្វើអំពើល្អ ទោះបីចាប់ផ្តើមពីចំណុចតូចតាចក៏ដោយ ក៏អាចក្លាយជាចំណងនៃក្តីស្រឡាញ់ និងការចងចាំដ៏មានតម្លៃឆ្លងកាត់ពេលវេលាជាច្រើនឆ្នាំ។
Thursday, November 19, 2026
សម្ដេចធិបតី៖ រាជរដ្ឋាភិបាល ចាត់ទុកសុខភាពប្រជាពលរដ្ឋ ជាមូលដ្ឋានគ្រឹះនៃការអភិវឌ្ឍមូលធនមនុស្ស និងជាការថែទាំសុខភាពសេដ្ឋកិច្ចជាតិ...
Wednesday, November 18, 2026
ឯកខត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងលោកជំទាវ រួមទាំងឯកឧត្តម ម៉ប់ សារិន ប្រធានក្រុមប្រឹក្សារាជធានីភ្នំពេញ និងលោកជំទាវ ព្រមទាំងក្រុមគ្រួសារ ថ្នាក់ដឹកនាំនិងមន្រ្តីអង្គភាពជុំវិញរដ្ឋបាលរាជធានីភ្នំពេញ បានចូលរួមពិធីបុណ្យកឋិនទាន វេរប្រគេនព្រះសង្ឃ ដែលគង់ចាំព្រះវស្សាអស់ត្រីមាសក្នុងព័ទ្ធសីមាវត្តប្រសិទ្ធីរីម្មារាម និងពិធីសិតព្រះពុទ្ធមារវិជ័យ (ព្រះជីរ៍ធំ) ស្ថិតនៅសង្កាត់ពន្សាំង ខណ្ឌព្រែកព្នៅ រាជធានីភ្នំពេញ។
ឯកខត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងលោកជំទាវ រួមទាំងឯកឧត្តម ម៉ប់ សារិន ប្រធានក្រុមប្រឹក្សារាជធានីភ្នំពេញ និងលោកជំទាវ ព្រមទាំងក្រុមគ្រួសារ ថ្នាក់ដឹកនាំនិងមន្រ្តីអង្គភាពជុំវិញរដ្ឋបាលរាជធានីភ្នំពេញ បានចូលរួមពិធីបុណ្យកឋិនទាន វេរប្រគេនព្រះសង្ឃ ដែលគង់ចាំព្រះវស្សាអស់ត្រីមាសក្នុងព័ទ្ធសីមាវត្តប្រសិទ្ធីរីម្មារាម និងពិធីសិតព្រះពុទ្ធមារវិជ័យ (ព្រះជីរ៍ធំ) ស្ថិតនៅសង្កាត់ពន្សាំង ខណ្ឌព្រែកព្នៅ រាជធានីភ្នំពេញ។
រសៀលថ្ងៃពុធ ៩កើត ខែកត្តិក ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៨ ខែវិច្ឆិកា ឆ្នាំ២០២៦។
រូបភាពសកម្មភាពកម្លាំងកងរាជអាវុធហត្ថរាជធានីភ្នំពេញ ចូលរួមការពារសន្តិសុខ សុវត្ថិភាព និងរក្សាសណ្តាប់ធ្នាប់នៅតាមបណ្ដាគោលដៅរៀបចំព្រឹត្តិការណ៍នៃកិច្ចប្រជុំកំពូលហ្វ្រង់កូហ្វូនីលើកទី២០ និងទស្សនកិច្ចផ្លូវរដ្ឋ និងកិច្ចពិភាក្សាទ្វេភាគី ទាំងអស់ ក្នុងភូមិសាស្ត្ររាជធានីភ្នំពេញ ដើម្បីធានាបាននូវសុវត្ថិភាពពេញលេញ និងបរិយាកាសប្រកបដោយសណ្តាប់ធ្នាប់ល្អប្រសើរសម្រាប់ព្រឹត្តិការណ៍ជាប្រវត្តិសាស្ត្រនេះ៕
រូបភាពសកម្មភាពកម្លាំងកងរាជអាវុធហត្ថរាជធានីភ្នំពេញ ចូលរួមការពារសន្តិសុខ សុវត្ថិភាព និងរក្សាសណ្តាប់ធ្នាប់នៅតាមបណ្ដាគោលដៅរៀបចំព្រឹត្តិការណ៍នៃកិច្ចប្រជុំកំពូលហ្វ្រង់កូហ្វូនីលើកទី២០ និងទស្សនកិច្ចផ្លូវរដ្ឋ និងកិច្ចពិភាក្សាទ្វេភាគី ទាំងអស់ ក្នុងភូមិសាស្ត្ររាជធានីភ្នំពេញ ដើម្បីធានាបាននូវសុវត្ថិភាពពេញលេញ និងបរិយាកាសប្រកបដោយសណ្តាប់ធ្នាប់ល្អប្រសើរសម្រាប់ព្រឹត្តិការណ៍ជាប្រវត្តិសាស្ត្រនេះ៕
Subscribe to:
Posts (Atom)











































