Category: ព័ត៌មានជាតិ

នាថ្ងៃ​ទី២៣ ខែធ្នូ ឆ្នាំ២០២៥ ឯកឧត្តម ឆាន់ សូរ្យផល អគ្គនាយកនៃអគ្គនាយកដ្ឋានសំណង់ បានដឹកនាំក្រុមការងារជំនាញ សហការជាមួយរដ្ឋបាលខេត្តព្រះសីហនុ និងមន្ទីរ ដនសស ខេត្ត ចុះពិនិត្យផ្ទាល់នូវគុណភាព និងសុវត្ថិភាពការដ្ឋានសំណង់អគារពហុមុខងារមួយកន្លែង ស្ថិតនៅលើក្បាលដីលេខ១៧៦០ ភូមិ៣ សង្កាត់លេខ៣ ក្រុងព្រះសីហនុ។ #សណង់ #សវត្ថិភាពសំណង់ #គណភាពសំណង់ #អគគនាយកដ្ឋានសំណង់ #ការគ្រប់គ្រងគម្រោងប្លង់#ការប្រើប្រាស់សំណង់​ #កអក

នាយប់ថ្ងៃទី២២ ខែធ្នូ ឆ្នាំ២០២៥ កម្លាំងអាវុធហត្ថរាជធានីភ្នំពេញ បានចូលរួមជួយរៀបចំលើកដាក់ជញ្ជូនស្បៀង និងសម្ភារៈចាំបាច់ផ្សេងៗ នៅទីតាំងកន្លែងទទួលជំនួយសម្រាប់ជូនទៅបងប្អូនជនភៀសសឹក និងបងប្អូនកងទ័ពនៅជួរមុខ របស់លោកស្រី ទឹម រដ្ឋា និងក្រុមការងារ ស្ថិតក្នុងមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ និងទីតាំងកន្លែងទទួលជំនួយសម្រាប់ជូនទៅបងប្អូនជនភៀសសឹក និងបងប្អូនកងទ័ពនៅជួរមុខ ត្រង់ចំណុច ហាង Eatmore បឹងកក់ រាជធានីភ្នំពេញផងដែរ។

ប្រជាពលរដ្ឋឃុំសំបួរ ស្រុកល្វាឯម ទទួលបានបណ្ណកម្មសិទ្ធិដីធ្លីចំនួន ២,៧៦៣បណ្ណ នាថ្ងៃ​ទី​២២ ខែ​ធ្នូ ឆ្នាំ​២០២៥ ឯកឧត្តមរដ្ឋលេខាធិការ ឈឿន ប៊ុណ្ណារ័ត្ន រួមជាមួយឯកឧត្តមអភិបាលនៃគណៈអភិបាល និងឯកឧត្តមប្រធានក្រុមប្រឹក្សាខេត្តកណ្ដាល បានអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុចំនួន ២,៧៦៣បណ្ណ ជូនបងប្អូនប្រជាពលរដ្ឋ ចំនួន ២ភូមិ ក្នុងឃុំសំបួរ ស្រុកល្វាឯម ខេត្តកណ្តាល។  គិតត្រឹមពេលនេះ ការងារវាស់វែងទូទាំងខេត្តកណ្តាល ត្រូវបានបញ្ចប់ ហើយតាមការគ្រោងទុក ក្រុមការងារនឹងធ្វើការបិទផ្សាយជាសាធារណៈ ភូមិចំនួន ៨ ចុងក្រោយ ក្នុងចំណោមភូមិសរុប ១,០១០ ភូមិ  នៅដំណាច់ឆ្នាំ២០២៥នេះ។ #ការបង្កើតនូវបរិយាកាសគ្មានវិវាទ #ចះបញ្ជីដីបង្ហើយ #បញចប់វិវាទដីធ្លី #សេវាគាប់ចិត្ត #រមណយដ្ឋានបេតិកភណ្ឌពិភពលោកអង្គរ #បងទន្លេសាប #ដោះស្រាយវិវាទបុរី​ #កអក

ក្រុមការងាររាជរដ្ឋាភិបាលចុះមូលដ្ឋានខេត្តកំពត និងសមាគមកាយឫទ្ធិនារីសាខាខេត្តកំពត បានជំរុញចលនាដាំដុះបន្លែបង្ការ ដូង ឫស្សី និងការចិញ្ចឹមសត្វតាមរយៈការប្រើប្រាស់ធនធានដីឱ្យអស់សក្តានុពល និងកែប្រែដីទំនេរនៅជុំវិញ ផ្ទះសាលារៀន ភូមិឋាន សហគមន៍ និងទីអារាម ក្រោមស្មារតី «យើងរួមគ្នាដើម្បីជាតិ» ដើម្បីលើកកម្ពស់សន្តិសុខស្បៀង អាហារូបត្ថម្ភ ពង្រឹងសេដ្ឋកិច្ចមូលដ្ឋាន និងគាំទ្រដល់បងប្អូនជនភៀសសឹក ជាពិសេសវីរយុទ្ធជននៅសមរភូមិមុខ។ ក្រុមការងារបានផ្តល់ជូននូវគ្រាប់ពូជបន្លែជាច្រើនមុខ ព្រមទាំងដើមដូង និងដើមប្ញស្សីជូនសាលារៀន និងបន្តជំរុញចលនានេះឱ្យបន្តរស់រវើកនិងជាប់ជាប្រចាំនៅតាមផ្ទះ ទីអារាម ភូមិឋាន និងសហគមន៍មួយក្នុងខេត្តកំពត កែប និងព្រះសីហនុ​ #កអក​ ។

សេចក្តីប្រកាសរបស់ប្រធានអាស៊ានអំពីកិច្ចប្រជុំពិសេសរដ្ឋមន្ត្រីការបរទេសអាស៊ានស្តីពីស្ថានការណ៍បច្ចុប្បន្នរវាងកម្ពុជានិងថៃ ទីក្រុងគូឡាឡាំពួ ថ្ងៃទី២២ ខែធ្នូ ឆ្នាំ២០២៥ ASEAN Chair’s Statement Special ASEAN Foreign Ministers’ Meeting on the Current Situation Between Cambodia and Thailand 22 December 2025, Kuala Lumpur

ក្រុមហ៊ុន ACT និងក្រសួងរៀបចំដែនដី នគរូបនីយកម្ម និងសំណង់ បានជួបពិភាក្សាអំពីលទ្ធភាពនៃការអនុវត្តគម្រោងអភិវឌ្ឍខឿនសេដ្ឋកិច្ច (គោលនយោបាយសម្បទានដើម្បីសេដ្ឋកិច្ច និងសង្គម) នៅតាមបណ្តាសហគមន៍តំបន់ឆ្នេរ និងសហគមន៍នៅក្នុងតំបន់បឹងទន្លេសាប ដោយផ្តោតលើការវិនិយោគលើវិស័យអប់រំ សុខាភិបាល ការគ្រប់គ្រងសំណល់ ការផ្គត់ផ្គងទឹកស្អាត ការចិញ្ចឹមសត្វ និងការផលិតជី ជាដើម តាមរយៈយន្តការនៃគម្រោង “ឥណទានកាបូន” នៅតាមតំបន់ទាំងនោះ។ #គោលនយោបាយសម្បទាននិងសង្គមកិច្ច #ការរៀបចំដែនដី #នគរបនីយកម្ម #រៀបចំហេដ្ឋារចនាសម្ព័ន្ធ #លើកកម្ពស់ជីវភាពប្រជាជន #របៀងសេដ្ឋកិច្ច #សេដ្ឋកិច្ចមូលដ្ឋាន #បរីជនបទ #ភមិឋានក្សេមក្សាន្ត #ទរនំសុភមង្គល​ #កអក

នារសៀល ថ្ងៃទី១៨ ខែធ្នូ ឆ្នាំ២០២៥ មហាកម្លាំងសាមគ្គីនៃប្រជាជាតិខ្មែរមកពីគ្រប់មជ្ឈដ្ឋាន គ្រប់និន្នាការនយោបាយ និងសាសនា បានមកជួបជុំគ្នាក្រោមស្មារតីខ្មែរតែមួយ ដើម្បីធ្វើព្យុហយាត្រា «ដើរដើម្បីសន្តិភាព» របស់មហាគ្រួសារខ្មែរ បានចាប់ផ្ដើមចេញដំណើរពីបរិវេណផ្សាររាត្រីមាត់ទន្លេ ឆ្ពោះទៅកាន់សួនច្បារវិមានឯករាជ្យ ក្នុងបរិយាកាសពោរពេញដោយក្ដីសង្ឃឹម ក្ដីជឿជាក់ និងស្មារតីសាមគ្គីភាពជាតិ។ នៅក្នុងឱកាសនោះ កម្លាំងកងរាជអាវុធហត្ថរាជធានីភ្នំពេញ ដឹកនាំបញ្ជាផ្ទាល់ដោយ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការ កងរាជអាវុធហត្ថរាជធានីភ្នំពេញ បានចូលរួម ការពារសន្តិសុខ សុវត្ថិភាព រក្សាសណ្ដាប់ធ្នាប់ និងសង្គ្រោះបន្ទាន់ ក្នុងកម្មវិធី «ដើរដើម្បីសន្តិភាព March for Peace » ប្រកបដោយស្មារតីទទួលខុសត្រូវ និងម៉ឺងម៉ាត់ជាទីបំផុត។

«ពួកយើងមិនដែលភ្លេចពួកគាត់ឡើយ» ឯកឧត្តម ឃុត ចាន់ ដារ៉ា តំណាងដ៏ខ្ពង់ខ្ពស់ ឯកឧត្តមឧបនាយករដ្ឋមន្ត្រី ហ៊ុន ម៉ានី និងជាប្រធានសហភាពសហព័ន្ធយុវជនកម្ពុជា និង លោក លី ឧត្តម នាយកប្រតិបត្តិ មូលនិធិម៉ានី រួមទាំងក្រុមការងារបានចុះជួយបងប្អូនប្រជាពលរដ្ឋជាជនភៀសសឹក ដែលកំពុងស្នាក់នៅតំបន់សុវត្ថិភាព ខេត្តសៀមរាប នៅថ្ងៃទី១៥ ខែធ្នូ ឆ្នាំ២០២៥។ ក្នុងបេសកកម្មនេះបាននាំយកនូវជំនួយពីសប្បរសជន ដែលបានកៀងគររួមគ្នាទៅចែកជូនដល់ក្រុមគ្រួសារជនភៀសសឹក រួមមាន៖ សម្ភារៈ ស្បៀងអាហារ និងគ្រឿងឧបភោគបរិភោគនានា ដែលទាំងអស់នេះសុទ្ធសឹងជារបស់របរចាំបាច់នៅក្នុងការប្រើប្រាស់ប្រចាំថ្ងៃរបស់ពួកគាត់។ លើសពីសម្ភារៈ អ្វីដែលពួកយើងបាននាំយកមក ពេលនេះ គឺកម្លាំងចិត្ត និងការគាំទ្រ ជូនដល់វីរកងទ័ព បងប្អូនជនភៀសសឹកទាំងអស់ ជាពិសេសកុមារតូចៗ ជនមានពិការភាព និងចាស់ជរាជាដើម។ #ខមែរជួយខ្មែរ​ #ខឿនការពារជាតិប្រជាជន #សសយក #កមពុជា​ #UYFC #Cambodia #JusticeforCambodia

ស្ត្រីម្នាក់ ឈ្មោះ ប្រាក់ ពិសី អាយុ២៣ឆ្នាំ ជាភរិយារបស់ វីរ:កងទ័ពឈរជើងនៅសមរភូមិជួរមុខទិសមុំបី ខេត្តព្រះវិហារ មានទម្ងន់ត្រូវឆ្លងទន្លេនៅសប្តាហ៍ក្រោយ បានភៀសសឹក ពីខេត្តព្រះវិហារ មកជ្រកកោនជាមួយបងប្អូន នៅភូមិក្រាំងស្វាយ សង្កាត់ព្រែកកំពឹស ខណ្ឌដង្កោ រាជធានីភ្នំពេញ ត្រូវបានដឹងដល់ ឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ និងជាប្រធានក្រុមការងារចុះជួយសង្កាត់ព្រែកកំពឹស ក៏ចាត់ក្រុមការងារចុះ សួរសុខទុក្ខ និង នាំយកអំណោយ ជាថវិកាចំនួន ១,០០០,០០០រៀល, អង្ករ០៣ការ៉ុង, ទឹកសុទ្ធ ០៤កេស,ទឹកត្រី-ទឹកស៊ីអ៊ីវ ០២យួរ ទៅឧបត្ថម្ភជូនសម្រាប់ប្រើប្រាស់បណ្តោះអាសន្ន ព្រមទាំងចាត់ក្រុមគ្រូពេទ្យរបស់អាវុធហត្ថរាជធានីភ្នំពេញ តាមដានថ្ងៃសម្រាលបុត្រឲ្យបានដិតដល់និងត្រៀមរថយន្តដើម្បីជូនគាត់ទៅសម្រាលនៅមន្ទីរពេទ្យ ព្រមទាំងសន្យាក្រោយពេលសម្រាលបុត្ររួច ក៏នៅតែជួយឧបត្ថម្ភជា អង្ករ ថវិកា គ្រឿងឧបភោគបរិភោគ ជាបន្តបន្ទាប់បន្ថែមទៀត រហូតដល់សភាពការណ៍ព្រំដែន វិលត្រឡប់មកប្រក្រតីដូចដើមវិញ៕

ក្រសួងរៀបចំដែនដី នគរូបនីយកម្ម និងសំណង់ បានបន្តចុះបញ្ជីដីបុរាណដ្ឋាន ចំនួន ១៤ ទីតាំងបន្ថែមទៀត ដែលស្ថិតនៅក្នុងក្រុងសៀមរាប និងស្រុកប្រាសាទបាគង នៃខេត្តសៀមរាប ជាដីសាធារណៈរបស់រដ្ឋ ហើយប្រគល់ជូនក្រសួងវប្បធម៌និងវិចិត្រសិល្បៈ ជាអ្នកកាន់កាប់។ ទាញយក៖ https://drive.google.com/drive/folders/1sRF5wHLbJRcAVjIDzWzmu_D4zr9S0paR?usp=drive_link #ការបង្កើតនូវបរិយាកាសគ្មានវិវាទ #ចះបញ្ជីដីបង្ហើយ #បញចប់វិវាទដីធ្លី #សេវាគាប់ចិត្ត #រមណយដឋានបេតិកភណ្ឌពិភពលោកអង្គរ #បងទន្លេសាប #ដោះស្រាយវិវាទបុរី. #កអក