(ខេត្តព្រះវិហារ) នាថ្ងៃទី២៤ ខែមិថុនា ឆ្នាំ២០២៥ ឯកឧត្តមបណ្ឌិត សុខ ចាន់ភក្តី រដ្ឋលេខាធិការក្រសួងព័ត៌មាន ទទួលបន្ទុកសមាគមអ្នកសារព័ត៌មាននៅកម្ពុជា និងជាប្រធាន សមាគមសម្ព័ន្ធយុវជនដើម្បីសន្តិភាព ហៅកាត់ថា (សស.យស) រួមនឹងប្រតិភូអមដំណើរ បានអញ្ជើញចូលរួមអមដំណើរឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ចុះសួរសុខទុកនិងនាំយកអំណោយចែកជូនដល់កងទ័ពជួរមុខ នៅបញ្ជាការដ្ឋានអង្គរក្ស ទួល ៩៥ ស្រុកជាំក្សាន្ត ខេត្តព្រះវិហារ ។
មានប្រសាសន៍សំណេះសំណាលនាឱកាសនោះឯកឧត្តមរដ្ឋមន្ត្រីក្រសួងព័ត៌មាន បានមានប្រសាសន៍ថ្លែងនូវការកោតសរសើរដល់កងកម្លាំងប្រដាប់អាវុធទាំងអស់ ដែលបានលះបង់សព្វបែបយ៉ាង ដើម្បីជាតិមាតុភូមិកម្ពុជា មិនឱ្យជនបរទេសណាមកឈ្លានពានជាដាច់ខាត ហើយអ្វីដែលឯកឧត្តមគួរឲ្យកត់សម្គាល់នោះគឺពាក់ព័ន្ធអ្វីដែលកំពុងតែធ្វើ
ក្នុងក្របខ័ណ្ឌនៃកាការពារបូរណភាពទឹកដីរបស់យើង ប្រឆាំងនឹងការឈ្លានពានរបស់បរទេស គឺរាជរដ្ឋាភិបាលកម្ពុជា ដឹកនាំដោយសម្ដេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងសម្ដេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជា និងជាអតីតនាយករដ្ឋមន្ត្រីដែលលោកខិតខំដឹកនាំប្រទេសចេញពីភ្នក់ភ្លើងសង្គ្រាម មកសុខសន្តិភាពតាមរយៈការអនុវត្តនូវនយោបាយឈ្នះឈ្នះ ដែលបានបញ្ចប់សង្គ្រាមស៊ីវិលនិងរំលាយអង្គការចាត់តាំង នយោបាយ យោធា ខ្មែរក្រហម ឆ្នាំ១៩៩៨ គឺជាអគ្គមគ្គុទេសឯកក្នុងការការពារទឹកដី ហើយបទពិសោធន៍របស់យើងតាំងពីឆ្នាំ២០០៨ មក២០១១ នៅលើទឹកដីនេះបងប្អូនបានស្គាល់និងយល់ច្បាស់ពីយុទ្ធសាស្ត្រយុត្តិវិធី ពាក់ព័ន្ធនឹងទេពកុសល្យ នឹងការដឹកនាំប្រកបដោយគិតិបណ្ឌិតរបស់សម្តេចទាំងពីរ។
នៅក្នុងក្របខណ្ឌនៃការការពារបូរណភាពទឹកដី ប្រឆាំងការឈ្លានពានរបស់បរទេស ដោយសារការលោភលន់និងការប្រើប្រាស់នូវផែនទី កូសដោយឯកត្តោភាគី មិនមានអន្តរជាតិណាទទួលស្គាល់ ពួកគេបានព្យាយាមមករំលោភម្ដងហើយម្ដងទៀតមកលើទឹកដីកម្ពុជារបស់យើង ។
ទឹកដីកម្ពុជាដែលចេញពីអាណាចក្រ ចក្រភពអង្ករ
នៅសល់ប៉ុណ្ណឹងយើងត្រូវចាំបាច់រួមគ្នាការពារឲ្យបាន ជាមួយគ្នានេះយើងកំពុងធ្វើការទប់ស្កាត់ទៅលើកាឈ្លានពានរបស់បរទេស។ រាជរដ្ឋាភិបាលកម្ពុជាបានប្រើប្រាស់នូវសមរភូមិ៤ក្នុងពេលតែមួយ រួមមាន ទី១ សមរភូមិកាទូត , ទី២ សមរភូមិច្បាប់ ,ទី៣ សមរភូមិយោធា និងទី៤ សមរភូមិព័ត៌មាន ក្នុងចំណោមសមរភូមិទាំងបួន មានមរភូមិព័ត៌មានដែលបើកមុខខ្លាំងជាងគេ ដែលយើងបានបង្ហាញទៅលើឆាកអន្តរជាតិបានដឹងអំពីល្បិចកលរបស់អ្នកឈ្លានពាន ។
ជាមួយគ្នានោះដែរឯកឧត្តមបានថ្លែងនូវអំណរអរគុណចំពោះកងកម្លាំងប្រដាប់អាវុធទាំងអស់
ដែលបានលះបង់នូវសេចក្តីសុខរបស់បងប្អូនការពារទឹកដី
ប្រឆាំងជាមួយការឈ្លានពានរបស់ជនបរទេស ហើយផ្តល់សេចក្តីសុខដល់ពួកយើង។បើសិនជាមិនមានបងប្អូនកងទ័ពឈរកាន់អាវុធការពារ
ពួកយើងនៅជួរមុខទេនោះពួកយើងក៏មិនអាចដេកលក់ស្រួល ធ្វើការងាបាននោះដែរ នេះជាទឹកចិត្តមួយដែលពួកយើងមិនអាចបំភ្លេចបាន។
អំណោយដែលត្រូវប្រគល់ជូនរួមមាន ថវិការចំនូន ៥០លានរៀល ,ទឹកត្រី៣០យួរ ,ទឹកស៊ីអីវ ៣០យួរ,ដំណាប់ល្មើលចំនួន២៦កេះ , ភេសជ្ជះបាកាស ១០០កេស, មីជាតិ២០០កេះ, អង្ក ២តោន ,ត្រីហ៊ើម ៥០គីឡូក្រាម,សាច់ក្រក ៥០គីឡូ ,សំឡីអនាម័យសម្រាប់ស្ត្រី ៩០០ដុំ រួមជាមួយថ្នាំពេទ្យចម្រុះពោលគឺព្យាបាលបានច្រើនមុខរាប់់ពាន់ប្រអប់ផងដែរ៕
